Булгакі – заможныя землеўладальнікі. Яны пабудавалі ў 1825 годзе на беразе ракі Добасня маёнтак з паркам, скульптурамі , басейнамі. Палац перажыў дзве сусветныя вайны і захаваўся да нашых дзен.

Зараз у палацы вядзецца рэканструкцыя, і наведвальнікі могуць пабачыць толькі невялікую частку экспазіцыі. Але побач прыгожы парк, у якім таксама ёсць што паглядзець: помнік жыхарам вёскі , якія ваявалі пад час Другой сусветнай вайны, старыя канюшні з чырвонай цэглы, воданапорная вежа. Усё гэтыя пабудовы адносяцца да канца 19 стагоддзя. І сам парк , які займае 18 гектараў, зачароўвае сваёй восеньскай прыгажосцю.

Гэта быў цудоўны восеньскі дзень, напоўнены цікавымі звесткамі з гісторыі нашай краіны, добрым настроем і прыгажосцю беларускай прыроды!

Падарожнічайце і вы! І не трэба ехаць далёка, цікавае побач!