Вось і закончыўся незвычайны тыдзень — Тыдзень роднай мовы. У памяці нашых навучэнцаў ён застанецца надоўга, таму што наша родная мова — гэта тое, што звязвае назаўсёды розныя пакаленні, што яднае нас і дае надзею на будучае.
У рамках правядзення Тыдня роднай мовы прайшлі наступныя мерапрыемствы: гастранамічны фэст " Беларуская кухня", школьнікі ўспомлілі гісторыю нашых продкаў (наведалі школьны музей) і іх культуру (спявалі народныя беларускія песні), выстава літаратуры «Сэрцам роднага слова краніся», вучні 5-10 класаў прагледзелі відэасюжэты пра беларускіх пісьменнікаў «Натхнёныя Бацькаўшчынай», а ў дзіцячым садку быў аформлены куток «Матчына мова».