Дзеці маюць унікальную магчымасць індывідуальна пазнаёміцца з аб'ектамі, якія прадстаўлены ў экспазіцыі школьнага музея “Беларуская хатка”, i падрыхтаваць эксклюзіўную інфармацыю для аднагодкаў.
Пры згадванні беларускага народнага касцюма многім на памяць прыходзяць аднатыпныя карцінкі са школьных падручнікаў. Але гэта будзе не зусім дакладна, бо насамрэч у Беларусі налічваецца 22 варыянты строю (камплекты традыцыйнага адзення) па рэгіёнах!
На фарміраванне народнага касцюма аказала ўплыў мноства фактараў: кліматычныя ўмовы, асноўныя заняткі насельніцтва, гістарычныя асаблівасці краю, гандлёвыя і культурныя сувязі з суседзямі — украінцамі, рускімі, літоўцамі, латышамі, палякамі.
Таму раней па касцюме можна было лёгка вызначыць мясцовасць, з якой прыйшоў чалавек, яго сямейнае становішча і ўзрост.
Ведалі пра такую разнастайнасць варыянтаў ладу?